24.07.2021 03:02
Ana səhifə | Haqqımızda | Bizimlə əlaqə  
    
 
  Son tərcümələr

  Azərbaycanın Yerusəliminə 34 il sonra baş tutan qayıdış
 
23.07.2021
JEWISH JOURNAL, ABŞ
 

  Azərbaycan xüsusi təyinatlıları Qarabağı necə azad edib?
 
21.07.2021
Əl-Arabi əl-yaum, Misir
 

  Azad olunmuş Ağdam rayonu ciddi dəyişikliklər astanasındadır
 
19.07.2021
Algornalgy, Misir
 

  Qafqazın ən gözəl məkanı olan Şuşa öz gözəl ruhunu geri qaytarır
 
15.07.2021
Əl-Hərir, Əlcəzair
 

  Azərbaycanda yaradılan azad iqtisadi zona Qafqazın çiçəklənməsinə yardım göstərəcəkmi?
 
15.07.2021
Eureporter, Aİ
 

 
 
Şuşa sehrli mövqeyi və islam abidələri ilə yenidən Azərbaycan səmasına qayıdıb

 
 



Algornalgy, Misir
13.07.2021


Müəllif: Behcət əl-Vəkil

Azərbaycanda əsrarəngiz və gözəl məkanlar axtararkən mütləq Şuşa şəhərindən başlamaq lazımdır. Şuşa inzibati ərazi vahidi kimi, 1930-cu ildə təşkil edilib. Onun 29 kəndi var.

Şuşa 1992-ci ildə Ermənistan tərəfindən işğal olunmuşdu. Tərəflər arasında ötən ilin sonlarında baş vermis 44 günlük müharibə nəticəsində o, 2020-ci il noyabrın 8-də işğaldan azad edilib.

Şuşa təkcə Azərbaycanda, Qarabağda deyil, bütün Qafqaz regionunda təkrarsız məkanlardan biri sayılır. O, düşmən hücumlarından müdafiə məqsədilə istehkam kimi salınıb. Məhz buna görə qala-şəhər sayılır. Bəli, Şuşa düşmənlər üçün əlçatmaz olan hündür qayalıqda möhkəm qala kimi Qarabağ xanlığının banisi Pənahəli xan tərəfindən 1750-ci ildə tikilib.

Azərbaycanın Dini Qurumlarla İş üzrə Dövlət Komitəsinin şöbə müdiri Əli Həziyev deyir ki, Şuşa Qırxqız, Kirs, Murov, Bağqıran və Sarıbaba dağları ilə əhatə olunub. Şəhər dəniz səviyyəsindən 1400 metr yüksəklikdə yerləşir. Şuşa təmiz havası, müalicəvi əhəmiyyəti ilə tanınan istirahət məkanlarından biridir.

Əli Həziyevin sözlərinə görə, Şuşada qoruq da var. Bu şəhərdə yüzlərlə tarixi Azərbaycan abidəsi qorunur. Belə abidələrdən biri Qarabağ xanı İbrahimxəlil xan tərəfindən 1768-ci ildə inşa edilmiş və 1867-ci ildə təmir olunmuş Yuxarı Gövhərağa məscidir. Məscidin divarında Qurandan ayələrin, məscidin tikilmə tarixinin, eləcə də Gövhərağanın vəsiyyətinin həkk edildiyi daş kitabəni görmək mümkündür. Qarabağ xanının qızı Gövhərağa öz xeyirxahlığı, səxavəti ilə tanınıb. O, məscidin otaqlarından birini məktəbə çeviribmiş.

Azərbaycanın mədəniyyət paytaxtı olan Şuşa şəhərini səciyyələndirən əsrarəngiz məkanlardan biri isə Cıdır düzüdür.

(Ərəb dilindən tərcümə - WorldMedia.Az)

Mənbə: Algornalgy

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az