17.10.2021 16:34
Ana səhifə | Haqqımızda | Bizimlə əlaqə  
    
 
  Son tərcümələr

  MÜSAHİBƏ| “İkinci Qarabağ müharibəsində Qələbə bir çoxları üçün sürpriz oldu”
 
13.10.2021
La Repubblica, İtaliya
 

  MÜSAHİBƏ| Azərbaycan Koreya şirkətlərini azad edilmiş ərazilərə çağırır
 
13.10.2021
The Korea Times, Cənubi Koreya
 

  VİDEO| Lahıcdakı yüksək ixtisaslı sənət
 
12.10.2021
Euronews, Aİ
 

  FOTO| Bakı: 10 mindən çox xalçanın nümayiş olunduğu muzey
 
12.10.2021
El Peruano, Peru
 

  Bakı Olimpiya Stadionu - Azərbaycanın incisi
 
12.10.2021
FUTDADOS, Braziliya
 

 
 
FOTOREPORTAJ| Şairlər şəhəri Şamaxı, Azərbaycan

 
 



BRASÍLIA IN FOCO, Braziliya
24.09.2021


Müəllif: Andrea Xiromi

Azərbaycanın qədim paytaxtı qədim mədəniyyət və tarixlə zəngindir. Bura Qafqaz ədəbiyyatının Nəsimi və Sabir kimi böyük adlarının doğulduğu yerdir. Bura Şirvanın tarixi mərkəzidir.

Təxminən 20 min əhalisi olan Şamaxı ölkənin paytaxtı Bakının yaxınlığında yerləşir. Ta qədimdən İpək yolunun üzərində yerləşən bu bölgənin sosial-iqtisadi rolu hər zaman böyük olub. Güclü zəlzələlərdən, işğal cəhdlərindən sonra belə, Şamaxı astrofizik rəsədxanası və əfsanəvi Cümə məscidi kimi tarixi irsini hələ də qoruyub saxlayır.

Burada əsas gəlir əkinçilik və heyvandarlıqdan əldə edilir. Həmçinin Şamaxı Qafqazda ən yaxşı şərab istehsal edilən yerlərdəndir. Turistlər burada tarixi yerləri ziyarət etməklə yanaşı, şərab zavodlarını da gəzə, rəsədxanadan gözəl səmaya tamaşa edə bilərlər.

Buradakı astrofizika rəsədxanası Sovet İttifaqının dövründə inşa olunub. O, kainatın sirlərini açmaq üçün nəzərdə tutulub. Bu gün burada kiçik muzey fəaliyyət göstərir. İndi insanlar buradan gecə saatlarında da səmaya baxa bilərlər.

Cümə məscidi Azərbaycanda ilk, Qafqazda isə ikinci inşa olunmuş məsciddir. O, 743-cü ildə tikilib və bu günədək əsrarəngizliyini, gözəlliyini qoruyub saxlayıb. Bu gözəllikdən həzz ala bilmək üçün müsəlman olmağa ehtiyac yoxdur. Təsəvvür edirsinizmi, bu məsciddən nə qədər nəsillər keçib, o neçə dahi şair və əfsanəvi insan görüb…

1859-cu ilin məşhur zəlzələsindən, istilalardan sonra məscid 1918-ci ildə təmir olunub. Ona yerli əhali də xüsusi qayğı göstərir.

“Az-Granata” şərab zavodu

Yaxınlıqdakı kiçik Ağsu şəhərində nəhəng və müasir “Az-Granata” şərab zavodu fəaliyyət göstərir. Zavodda müxtəlif meyvələrdən şərablar, likörlər və şirələr istehsal olunur. Adı “nar” sözündən götürülmüş (rusca nar “qranat” adlanır) şərab zavodunda bu regionda məşhur olan nardan da şərab çəkirlər. Burada müxtəlif Avropa və Qafqaz sortlarından hazırlanan spirtli içkilərin, yüngül süfrə şərablarının dadı və qiyməti çox cəlbedicidir. Bir qədəh nar şərabının dequstasiyası çox maraqlı təcrübədir. Bu, zavoda tur zamanı mümkündür. Çəlləklərin olduğu zalda yekunlaşan turda Azərbaycanda şərab istehsalçılığını əks etdirən maraqlı şəkillər də nümayiş olunur.

Burada “Azərbaycanın ilk rakısı”nı da dada bilərsiniz.

(Portuqal dilindən tərcümə - WorldMedia.Az)

Mənbə: BRASÍLIA IN FOCO

 
          

Saytın materiallarından istifadə zamanı worldmedia.az-a istinad mütləqdir  

© 2016-2021, WorldMedia.az